Ar BSBD : ec’h istor, ec’h oberezhioù, e loreidi, ...

E 1991 e vez kroget ar c’hampionad gant ar BSBD. Adalek ar bloavezhioù kentañ e vez kenderc’hel gant disoc’hoù mat. Servij en doa d’ar Bagad tapout ur plas en trede rummad er Festival Etrekeltiek an Oriant.

E fin an daolenn e-pad un neubeud bloavezhioù a oa bet lakaet ar bagad war-lerc’h a-raok kregiñ bezañ er plasoù gwelloc’h c’hoazh.

E 2003 e vez renket en dro ar c’hampionad gant Sonerion, kevredad ar sonerien. Ne oa ket gortozet dihun an aerouantaoù ruz : tapet o doa ar maout en trede rummad e 2003 hag war an eil plas e oa bet lakaet e-pad daou vlaz a-raok mont d’an eil rummad e 2006.

War an trede plas an eil rummad e oa bet lakaet Bagad Sonerien Bro Dreger e 2006 da gentañ hag tapet o doa ar maout e 2007 ha 2008. Gant an disoc’hoù-se a zo bet digoret norioù ar rummad kentañ e 2009.

War ur brav pempvet plas a oa bet lakaet ar bagad e 2009. War lerc’h e talc’he ar bagad er rummad kentañ e-pad 5 bloaz a-raok mont en dro d’an eil rummad e 2014. N’int ket bet fallgalonek ar sonerien ha labouret o doa en eil rummad evit mont en-dro d’an hini kentañ c'hoazh ! Tapet o doa ar maout an eil rummad en 2015 ha setu penaos a oa digoret en dro norioù ar rummad kentañ e 2016 betek bremañ