Dont d’ar BSBD : skol ar sonerezh ha bagadig !
Emskiantek omp e vez savet ar bagad gant amzer neuze e vez kelennet ar vombard, ar binioù-bras hag an daboulin sklaer adalek ar vugaleaj er skolioù ar BSBD : Skol Sonerien Bro Penroz (Perroz-Gireg) ha Skol Sonerien Bro Lannuon (Lannuon).
Ar gentelioù a zo azas da bep live ha roet gant kelennerien a-vicher e Sonerion 22 ha kelennerien a-youl-vat. Desket e vez ar sonerezh d’un doare a-zerezioù efedus da vont buhan d’ar bagadig.
C’hoant az peus deskiñ ar vombard, ar binioù-bras pe an daboulin sklaer ?
Lodenn kentañ ar stummadur : skol ar sonerezh
Pa vez skrivet ur soner (pe ur sonerez) nevez er skolioù ar BSBD e vez choazet ur benveg gantañ (pe ganti) : ar vombard, ar binioù bras pe an daboulin sklaer. Kregiñ a ra gant un gentel bep sizhun azas gant e live hag e oad. Dre gomz e vez kelennet ar sonerezh da gentañ da vagañ an dudi hag al luskadur. War lerc’h e vez desket solfech tamm ha tamm. Darempredoù zo kinniget a-wechoù gant ar sonerien all da seniñ asambles (Skolaj).
Enskrivadurioù digoret eus 8 vloaz betek 20 vloaz evit an deskidi nevez (muioc’h evit ar-re a zo sonerien dija)..
Skodenn eus 170e/bloaz (war zigreskiñ ma vez studier eus ar memes familh).
Moien zo feurmiñ binviji d’ar BSBD
Krouet e oa Skol Sonerien Bro Perroz e 1989 er gevredigezh ar Bagad Sonerien Bro Dreger. Deut eo da vezañ ur gevredigezh 1991 emren war-lerc’h.
Kentelioù bombard, binioù-bras ha taboulin sklaer a zo roet bep sadorn etre 4e ha 7e e Ti ar Sonerezh Perroz Gireg.
Krouet e oa Skol Sonerien Bro Lannuon e miz Gwengolo 2024 evit ma vefe posubl d’an deskidi nevez tro dro Lannuon deskiñ gant anaoudegezh Bagad Sonerien Bro Dreger.
Kentelioù bombard ha binioù-bras a zo roet bep merc’her eus 6e betek 8eur ha kentelioù taboulin sklaer a zo roet bep yaou etre 5e30 ha 7e30 salioù gevredigezh ar Rive Gauche.
Eil lodenn ar stummadur : ar bagadig
Krouet e oa Bagadig Sonerien Bro Dreger e 2001, strollad ar danvez-sonerien.
Servij a ra kenstagañ skolidi skolioù ar sonerezh Perroz ha Lannion e-barzh ur memes strollad.
Ar pal kentañ zo kregiñ deskiñ c’hoari asambles da lakaat anezho dont d’ar Bagad er sonadegoù pe e Kampionad ar bagadoù.
Kemer a ra perzh ar bagadig d’ar C’hampionad ar Bagadoù pevare rummad abaoe 2015. Servij a ra d’ar sonerien en em keñveriañ ouzh strolladoù all eus Breizh pe eus lec’hioù all… hag da dizoleiñ strilh mat ar c’hampionad ivez !
Trede lodenn ar stummadur : ar Bagad
E-kichen ar bagadig e vez desket toniaoueg ar Bagad tamm ha tamm da vont gant ar bagad e gouelioù. Da gentañ evez kroget gant un ton bale, ha war-lerc’h gant an dañsoù. Er fin e c’hall sonerien ar bagadig kemer perzh d’ar bagad e Kampionad Broadel ar Bagadoù Rummad Kentañ.
